Бившиот премиер на Јапонија Шинзо Абе беше застрелан за време на политичкиот говор кој го држеше на улица околу 11:30 часот по локално време во Нара, источно од Осака.
Истрелани биле два куршума, а Абе имал прострелна рана на десната страна на вратот, соопшти Агенцијата за управување со пожари и катастрофи на Министерството за внатрешни работи и комуникации во Токио. Во болница бил пренесен прво со возило на итна помош, а потоа со медицински хеликоптер.
По инцидентот, полицијата го уапсила Тецуја Јамагами, жител на Нара во неговите 40-ти години. ТВ НХК објави дека мажот не се обидел да побегне и е задржан на распит во полициска станица. Се чини дека користел рачно изработен пиштол.
