Она што се најавуваше минатата недела сега доби официјална потврда. Луис Суарез потпиша нов петгодишен договор со Барселона и ќе остане верен на каталонскиот гигант до 2021 година.
Уругваецот за сума од 83 милиони евра пред две години на стигна „Ноу Камп“ од Ливерпул, а за Блауграна има постигнато 97 голови на 116 одиграни натпревари.
Барселона оваа есен ги продолжи договорите со двајца од тројцата клучни играчи во тимот, пред Суарез тоа го направи Нејмар, а откупната клаузула во договорот на Уругваецот изнесува 200 милиони евра.
На „Ноу Камп“ сега работат на продолжување на договорот со Лионел Меси, а според најавите на медиумите Аргентинецот ќе заработува 35 милиони евра по сезона.
