Пеколот се спушти на хавајскиот Голем остров во форма на вулканска лава од вулканот Килауеа уште минатата недела. Локалното население беше масовно евакуирано, а лавата уништи над 20 живеалишта.
Застрашувачката моќ на врелата лава може да се види и на оваа снимка направена на Хаваите неколку дена по ерупцијата на вулканот. На снимката може да се забележи како лавата полека, но разорно преминува преку улицата кон паркираниот бел „форд мустанг“, кој веднаш се стопи. Видеото е снимено во Леилани естејтс, во близина на градот Пахоа.
