Облачен и дождлив понеделник

Првиот понеделник во месец ноември носи облачно време со врнежи од дожд, кои во западните делови ќе бидат пообилни (локално над 20л/м2).

Во вечерните часови врнежите ќе престануваат, а облачноста ќе се намали. Ќе дува умерен до засилен ветер од јужен правец.

Максималните дневни температури ќе достигнат во Скопје 17 Целзиусови степени, Маврово 11, Охрид 15, Битола и Крива Паланка 16, Берово 15, Кавадарци 19, Дојран 18.

Од утре повторно ќе имаме сончево време со мала облачност. Ќе дува слаб до умерен ветер од јужен правец, а дневните температури ќе бидат во Скопје 21, Маврово 15, Охрид и Крива Паланка 19, Битола 20, Кавадарци 22, Берово 18, Дојран 23.