Нова победа на Ѓорческа – Македонката на чекор до пласман на главниот турнир!

Најдобрата македонска тенисерка Лина Ѓорческа ја мина и втората пречка во квалификациите за пласман на главниот турнир, на првиот грен слем турнир во сезоната, Аустралија Опен.

Ѓорческа, во второто коло, ја декласира Унгарката Далма Галфи во два сета за само 54 минути игра. Најдобрата македонска тенисерка на Унгарката и препушти само два гема, по еден во двата сета. Таа доминираше во текот на целиот меч, четири пати и го одзеде сервисот на противничката и заслужено се пласира во последната, трета квалификациска рунда.

На патот до главниот турнир на Ѓорческа и стои една од Швајцарките Фогеле, која е прва носителка во квалификациите или Садиковиќ.