Не го дава престижниот статус: Безос останува најбогат човек на светот


Вака се слави гол во 120-та минута!!! ↓↓↓


Извршниот директор и основач на гигантот „Амазон“, милијардерот Џеф Безос ја заврши минатата 2019 година и ја започна новата 2020 задржувајќи го приматот најбогат човек на светот чие богатство се проценува на 115 милијарди долари.

Безос се разведе во 2019 година по 25 години брак, а тој и неговата сопруга Макензи Безос се договорија таа да ги задржи нејзините четири проценти од акциите во гигантот за интернет малопродажба. Така, Макензи Безос доби околу 37 милијарди долари и е рангирана на 25-то место на најбогатите во светот.

Според индексот за милијардери на Блумберг, кој ги следи 500-те најбогати луѓе во светот, втор е основачот на „Мајкрософт“, Бил Гејтс со 113 милијарди долари.

На третото место е Бернард Арно со 105 милијарди долари. Арно е најбогатиот Французин и генерален директор на LVMH, кој контролира речиси половина од добро познатиот француски моден ланец, во кој освен „Луј Витон“ има и други светски познати брендови.

По него следува американскиот инвеститор Ворен Бафет со 89,3 милијарди долари, додека основачот на Фејсбук, Марк Закерберг е на петтото место со 78,4 милијарди долари.

Мексиканскиот магнат Карлос Слим го зазеде 11-то место со 60,2 милијарди долари.