Уствари викендов е затишје пред бура! ↓↓↓
Учениците од СОУ Ѓорче Петров од Прилеп под менторство на проф. Марта Макеска ја добија наградата за најдобра современа групна маска на овогодинешниот карневал Прочка 2015г.
„Идејата е од историјата за нашиот град Прилеп ’Крали Марко и Црна Арапина’. За реализација на оваа маска беа потребни повеќе материјали (дрво, најлон, платно и др). Маската ја сочинуваат три тела коњот со Крали Марко, Црна Арапина и група војници. Учениците од струките помогнаа за изработка на оваа маска. Во неа учествуваа 60 ученици во изработка и во изведба“, ни изјави професорката Макеска.
Маската се претстави со придружба на музика од филмот Пред дождот од Милчо Манчески (Anastasia – Nine Iron Doors). Инаку, на изложбата со маски која беше отворена на 20.02.2015г прва награда доби ученичка од медицинската струка од истото училиште, Фросина Сваќароска.
