Филипе Кутињо е еден од најбараните фудбалери моментално во Европа, а познато е дека за Бразилецот најголем интерес покажува Барселона.
Кутињо е на мета на многу европски гиганти, но Барселона е фаворит за неговиот потпис. Сепак, Каталонците немаат голем повод за радост бидејќи Бразилецот одлучил да ја одбие Барса поради Лео Меси.
Имено, шпанските медиуми тврдат дека причината е всушност фактот дека позицијата на која игра Кутињо е резервирана исклучиво за Аргентинецот.
Поради тоа Бразилецот смета дека нема да има голема минутажа и не сака преселба на „Камп Ноу“, а „Дон Балон“ тврди дека во целата приказна се уклучил и Реал Мадрид.
„Кралевите“ сега гледаат шанса да дојдат до неговиот потпис и наводно се вклучиле во борбара за доведување на младиот Бразилец.
