Home Актуелно МК од регистарските таблички, за жал, оди во историјата – еве до кој датум сите мора да ги заменат регистрациите со ознака NMK

МК од регистарските таблички, за жал, оди во историјата – еве до кој датум сите мора да ги заменат регистрациите со ознака NMK

Министерството за внатрешни работи ги информира граѓаните и правните субјекти, односно сопствениците на возила, на обврската дека заклучно со 12 февруари 2024 година, мора да извршат промена на регистарските таблички со ознаката „МК“ (Macedonia – Македонија) со ознаката „NMK“ (North Macedonia – Северна Македонија). Измените важат и за оние таблички кои се постари, кои имаат три бројки на табличките и кои немаат „МК“ на табличките. Значи, измените ќе важат за сите возила.

„Согласно член 27 став (1) алинеја 5 од Законот за возила („Службен весник на Република Македонија” бр. 140/08; 53/11; 123/12; 70/13; 164/13; 138/14; 154/15; 192/15; 39/16 и 161/19) и согласно член 28 од Правилникот за форма и содржина на образецот на барањето за издавање на пробните таблици, формата и содржината на регистарските таблици и на пробните таблици, како и начинот и постапката на нивно издавање („Службен весник на Република Северна Македонија” бр. 293/2020), сите сопственици на регистрирани возила се должни да ги заменат регистарските таблици кои ја содржат буквената ознака ,,МК”, издадени до денот на отпочнување со примена на овој правилник (15.01.2021 година), односно таквите таблички можат да се употребуваат најдоцна до 12.02.2024 година“, стои во соопштението на МВР.

Вчитај повеќе поврзани статии
Load More In Актуелно
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…