Спортскиот директор на Милан, Масимилиано Мирабели откри кој фудбалер ќе биде главна трансфер желба на „росонерите“ следното лето.
Милан минатото лето донесе голем број на засилувања, но не ги постигна очекуваните резултати, па веќе прави планови за следната сезона.
Минатото лето главна желба на Милан беше напаѓачот на Торино Андреа Белоти, па очигледно клубот од „Сан Сиро“ не се откажува од напаѓачот.
„Белоти? Вистина е дека се обидовме да го донесеме во Милан, но беше многу тешко поради неколку причини“, откри Мирабели и додаде:
„Сепак, Белоти е фантастичен фудбалер притоа голема навивач на Милан. Можеби ќе му се оствари желбата еден ден да го облече дресот на својот омилен клуб. Ќе видиме“.
