Италијанските гиганти Милан и Јувентус се пред реализирање на мега-зделката во која се вклучени тројца фудбалери и која ќе предизвика потрес на Апенините.
„Скај Италија“ пренесува дека е постигнат начелен договор помеѓу двете страни според кој Бонучи ќе се врати во Јувентус, а во одбратен правец ќе тргнат Матија Калдара и Гонзало Игуаин.
Имено, двата клуба се договориле за размена помеѓу Бонучи и Калдара, со оглед на фактот дека двајвата фудбалери имаат иста цена (околу 40 милиони евра).
Игуаин пак ќе пристигне во Милан на едногодишна позајмица за која „росонерите“ ќе платат 20 милиони евра, а следното лето ќе треба да доплатат додатни 35 милиони евра за во целост да го откупат неговиот договор.
Milan and Juve have agreed on the transfer formula for Higuain. It will be a €20 million loan with obligation to buy at €35 million. [Gazzetta] pic.twitter.com/ixyj9tFeKv
— Milan Eye (@MilanEye) July 28, 2018
Милан е спремен да му ја дава истата плата на Игуаин, односно 7,5 милиони евра по сезона, колку што заработува во Јувентус. Братот и агент на напаѓачот, Николас денес треба да пристигне во Италија за да бидат дефинирани последните детали.
Единствен „проблем“ е што интерес за Игуаин покажува и Челзи чие раководство денес ќе има состанок со Јувентус, но „сините“ немаат интенција да му понудат 4-годишен договор на Аргентинецот.
Учество во игри на среќа е дозволено за лица со 18+ години. Играј одговорно!