Шпанскиот весник „Марка“, кој секогаш е добро информиран за случувањата во „кралскиот“ клуб, тврди дека Реал Мадрид до крајот на неделата ќе донесе три големи засилувања.
Наводно Зинедин Зидан сака што побрзо да се „склопи“ тимот и до почетокот на припремите, кои започнуваат на 8-ми јули, да пристигнат сите засилувања.
„Марка“ тврди дека прв ќе биде претставен Еден Азар. Преговорите се во завршна фаза и Реал за неговиот потпис ќе му плати на Челзи 115 милиони фунти.
Блиску до трансфер на „Сантиаго Бернабеу“ е и Ферланд Менди, левиот бек на Лион кој доаѓа по барање на Зидан. Се договараат последните детали, а „Марка“ тврди дека „кралевите“ ќе платат 40 милиони евра за Французинот.
Третото засилување ќе биде српскиот голгетер Лука Јовиќ кој имаше феноменална сезона во Ајнтрахт. Преговорите се во завршна фаза, а трансферот би требало да изнесува околу 70 милиони евра.
El nuevo Madrid se pone en marcha: ¡¡semana clave para cerrar los fichajes!! https://t.co/yJAs4CY4xg Por @jigochoa
— MARCA (@marca) June 3, 2019
