Марчињак со една фотка им ги затвори устите на Французите


Викенд најава - Најинтересно во Серија А! ↓↓↓



Симон Марчињак кој го судеше финалето на Светското првенство доби критики од Французите, поточно од „Л’Екип“ кој објаснуваше дека голот на Меси за 3:2 треба да биде поништен затоа што двајца Аргентинци од клупата влегле на теренот.

Марчињак за судењето доби и големи пофалби, меѓу оние кои го пофали беше и легендарниот Пјерлуиџи Колина. На обвинувањата на „Л’Eкип“ Марчињак одговори само со една фотографија.

„Французите многу зборуваат за тој момент, а не сакаат да ја објават оваа фотографија каде што може да се види како седум фудбалери на Франција се на теренот кога Мбапе постигнува гол“, изјави Марчињак покажувајќи ја фотографијата.

Истакна дека дури и Килијан Мбапе му признал дека добро си ја завршил работата.

„Големи судиски имиња и мои пријатели од Франција ми честитаа за судењето. Дури и Мбапе на сите ни кажа дека сме одлични судии и за него се беше одлично одработено“, изјави полскиот арбитар.