Златан Ибрахимовиќ на почетокот на минатата сезона пристигна во Манчестер Јунајтед, а неодамна се врати на терените после тешката повреда на лигаментите од коленото.
Ибрахимовиќ е познат по своето карактеристично однесување кое не се промени со неговото доаѓање на Островот.
Неговиот соиграч Хуан Мата откри инетресни детали од првата средба на Ибра со економот на „црвените ѓаволи“, летово 2016 година.
„Бевме на припреми кога Ибрахимовиќ пристигна во клубот и требаше да се види со економот за да му ги даде копачките. Никогаш претходно се немаа сретнато и Ибра тоа го искористи за целосно да го извади од такт. Го погледна оштро и му рече: ’Се надевам дека ти е јасно дека Бог пристигна во солблекувалната’“, открива Мата.
„Економот само го погледна и не му беше јасно што се случува. Дури кога Златан почна да се смее атмосферата се промени. Тогаш свативме дека има карактеристичен хумор“, додаде Шпанецот.
Учество во игри на среќа е дозволено за лица со 18+ години. Играј одговорно!