Израелскиот амбасадор правеше „стој на раце со една рака“ кај Пендаровски во кабинет

За време на посетата кај македонскиот претседател Стево Пендаровски, израелскиот амбасадор во Македонија, Дан Орјан, освен официјалните дипломатски разговори на разни државнички теми, правеше и фискултурни егзибиции „за атмосфера и атракција“.

„Оваа фотографија, „стој на раце” со израелскиот амбасадор Дан Орјан, нека биде мотив и причина повеќе зашто вежбањето е многу важно, а најчесто и забавно“, напиша претседателот Стево Пендаровски на социјалните мрежи под фотографијата снимена во неговиот кабинет за време на денешната средба.

На средбата Пендаровски и Орјан се согласиле дека Македонија и Израел градат плодни економски релации и изразиле подготвеност за интензивирање на соработката во областа на безбедноста, науката и новите технологии, земјоделството, како и во областа на културата и туризмот.