Ирански ракометар го засили Металург!

Металург своите редови ги засили со иранскиот ракометар Амин Јусефинеџад, кој доаѓа од екипата на Шахрдари од Кашан, иранскиот вицешампион.

Јусефинеџад е стандарден сениорски репрезентативец на Иран и игра на позиција лев бек, а со Металург потпиша три иполгодишен договор, кој завршува на 30 јуни 2020 година.

„Кога размислував за почетокот на својата европска кариера, веднаш ми беа посочени Металург и Лино Червар, како средина и тренер најпогодни за работа со млади ракометари. Затоа брзо најдов заеднички јазик со мојот нов клуб и среќен сум што ќе имам можност овде да ги реализирам своите ракометни амбиции. Се надевам дека ќе ја оправдам довербата на тренерот и на раководството на клубот“, изјави Јусефинеџад.