Меѓународната фудбалска федерација (ФИФА) минатата година имала финансиски минус од 369 милиони долари. Причината за финансискиот минус се судските трошоци, предизвикани од истрагите поврзани со корупцијата во ФИФА, спроведени од американските и швајцарските власти.
ФИФА соопшти дека очекува поголем финансиски минус оваа година, а дека во 2018 година планира профит од една милијарда долари. Најмногу од овие пари ФИФА ќе заработи од продажбата на телевизиските права за Светското првенство во Русија.
ФИФА се уште не продала 24 места од 34-те колку што има во својата спонзорска програма за Мундијалот, кој започнува за 14 месеци.
„Се подразбира дека моменталната стагнација во голбалната трговија, комбинирана со истрагите на преходните челници на ФИФА, влијаеше на вкупниот приход“, се вели во финасискиот извештај на ФИФА за 2016 година, објавен на 116 страници.
Правните трошоци на ФИФА минатата година изнесувале повеќе од 50 милиони долари. Исто така, светската куќа на фудбалот потрошила 7,9 милиони долари за организација на конгресот на кој беше избран новиот претседател Џани Инфантино, а за 5,6 милиони долари им биле зголемеми платите на членовите на Советот.
Учество во игри на среќа е дозволено за лица со 18+ години. Играј одговорно!