Храна што ќе ви помогне полесно да ја пребродите есенската меланхолија

Нутриционистите знаат кои намирници ќе ви помогнат да го подобрите расположението

Есента често носи со себе замор, тага и општо пад на расположението. Доколку чувствувате пад на енергија или дека полека се приближувате до депресивна состојба, можно е вашето тело да има недостаток од витамини од Б-групата (важни за силен нервен систем), омега-3 масни киселини и магнезиум (важни за мозочна функција). Во зима, недостигот на витамин Д е особено изразен и силно влијае врз расположението.

Диетите со малку калории и богатство со протеини можат да го намалат нивото на триптофан во организмот, аминокиселина одговорна за создавање на хормонот на среќата – серотонин. Затоа, важно е да внесувате храна богата со триптофан: сирење, риба, месо, мешунки, младо сирење, јогурт, банани, печурки, кикиритки, темно чоколадо и слично.

Ако ви недостасува магнезиум и сакате да ја збогатите исхраната со намирници кои го содржат, вклучете повеќе лиснат зеленчук, шумски плодови како малини, јагоди, капини, и не заборавајте на бананите, грејпфрутот, сушените кајсии, јаболката, сусамот и никулците од пченица.

Како што веќе напоменавме, за добро расположение и нормално функционирање на мозокот неопходно е да се внесуваат омега-3 масни киселини. Тие се присутни во некои видови риби како што се харинга, скуша и туна. Одлични извори се и ленено семе, ленено масло, авокадо и чиа семки. Како дополнение, може да земате омега-3 капсули – но обрнете внимание на количината на ЕПА и ДХА, а не само на рибиното масло воопшто.

Б-комплекс витамините се наоѓаат во мешунките и житарките. Во исхраната вклучете хељда, овесни снегулки, разни видови ориз, просо и јачмен. Кога станува збор за мешунки, внесувајте повеќе грашок, грав, наут и леќа.

Витаминот Д го има во многу мал број намирници. Ако сакате преку храна да внесувате витамин Д, исхраната нека ви вклучува масна риба како лосос, харинга, сардина и туна. Исто така, овој витамин се наоѓа во јајца, говедско месо и џигер од теле.