Кој ќе тепа на Ел Класико!? ↓↓↓
Уште во 2016 година двајцата славни актери и соработници од филмот The Revenant, Том Харди и Леонардо ДиКаприо, направиле малку бизарна кладба поврзана со номинациите за Оскар за нивните улоги во споменатиот филмски хит.
Ди Каприо му тврдел на Харди дека тој за неговата споредна улога во филмот ќе добие номинација за Оскар. Харди, како познат скептик за такви работи, му се противел, па паднал облог дека ако Харди биде норминиран за Оскар за споредна улога во The Revenant, да истетовира тетоважа по избор на ДиКаприо.
Во едно интервју кое Харди го даде за медиумите во 2016 година, вели дека Ди Каприо за негова тетоважа одбрал едноставна реченица.
„Ми напиша со својот ужасен ракопис „Лео знае сè“ (Leo knows everything). Јас бев во фазон, „Важи другар, но ќе морам подобро да ја напишам“, изјави Харди.
Судејќи според фотографијата која неодамна ја објави на Instagram, врз основа на она што може да се види на неговата десна рака, се чини дека Харди го исполнил ветувањето. На неговиот десен бицепс може да се прочита Leo Knows All.
