Гана подобра од Јужна Кореја со 3:2 во уште еден драматичен натпревар на Светското првенство


Викенд најава - Најинтересно во Серија А! ↓↓↓



Репрезентациите на Гана и Јужна Кореја одиграа фантастичен натпревар со пет гола, кој на крајот и припадна на африканската селекција.

И покрај фактот што Корејците подобро го отворија мечот во првите дваесетина минути, сепак Гана стигна до голема предност до полувремето.

Мохамед Салису во 25-та погоди за водство, а Мохамад Кудус десет минути потоа го зголеми водството на 2:0.

Меѓутоа Корејците не се предадоа, па тргнаа фуриозно во вториот дел и само за две минути дојдоа до израмнување. Чо Сунг постигна два брзи гола во 58-та и 61-та минута и ја врати Кореа во натпреварот.

Меѓутоа, десет минути подоцна напаѓачот на Ајакс, Кудус повторно ја доведе Гана во водство.

До крајот Корејците се обидуваа да дојдат до израмнување и создадоа неколку големи шанси, но не успеаја да постигнат гол.