Фотографија од Македонија ставена во учебник за 7-мо одделение во Бразил


Традицијата вели: Аргентина ме демантира!? - 14 ден ↓↓↓



Фотографијата од импровизиран македонски фудбалски терен, направена во Богородица се најде на официјалниот учебник за Физичко образование за 7-мо одделение во Бразил.

Министерството за образование на Пернамбуко – Бразил, фотографијата ја искористило на 18-та страна од учебникот, притоа со фуснота појасниле дека станува збор за терен во Богородица – Македонија.

„На фотографијата е стадионот во Богородица, фотографиран од мене во зимата 2009-та година“, ни потврди авторот Јован Атанасов.

„Фотографијата се наоѓа на страница 18 (од левата страна)-и истата е наведена во фуснотите на учебникот веднаш до сликата -лево, и на крајот од учебникот(како слика 18а) -каде пишува дека на сликата е стадионот во Богородица, Македонија – во учебникот кој го издава Министерството за образование на Пернамбуко – Бразил. Во темата -„Спорт : Доживување на спортот Фудбал на различни простори(школо,кампови,плажа, квартови), разбирајќи ги неговите специфичности и генералии“, вели Атанасов.


Бразил е лулката на фудбалот и интересно е тоа што ја одбрале баш сликата од Македонија. Пернамбуко е република во Бразил која брои 9 милиони жители и најпознат е градот Ресифе во кој се играа и некој од натпреварите од Светското Првенство.

Притоа, во појаснувањето на фотографиата во фуснотата стои нашето уставно име, Богородица – Република Македонија.