Home Актуелно Фокус пренесува: Тајна средба и преговори на Заев и Мицкоски за иднината на СЈО

Фокус пренесува: Тајна средба и преговори на Заев и Мицкоски за иднината на СЈО

Според информациите кои ги пренесува Фокус, повикувајќи се на адвокатот Тони Менкиноски, кој е преговарач од страната на ВМРО-ДПМНЕ, премиерот Зоран Заев и министерката за правда Рената Дескоска вчера вечер оствариле средба со него и првиот човек на најголемата опозициска партија, Христијан Мицкоски. На средбата тие разговарале за иднината и институционалната судбина на Специјалното јавно обвинителство.

Преговарачот од страната на ВМРО-ДПМНЕ, адвокатот Менкиноски за „Фокус“ вели дека било договорено да не се соопштуваат детали во јавноста, но посочи дека средбата била „плодна“.

Како што неофицијално дознаваме ВМРО-ДПМНЕ не се откажува од барањето сите истраги и предистраги кои СЈО ги покрена по 30 јуни 2017 година да запрат, односно СЈО да ги доврши само предметите кои се во судска постапка. Се шпекулира дека е можно да се најде компромис околу ова барање, односно истрагите, без бомбите да се преселат во редовното обвинителство.

Премиерот Заев вчера, пред средбата, изјави дека е изработена нова верзија за законот за СЈО, во која во одредени сегменти се прифаќаат голем дел од сугестиите на ВМРО-ДПМНЕ. Тој посочи дека очекува средите да продолжат веќе од наредниот ден, но сепак се сретнале само неколку часа по оваа негова изјава.

Вчитај повеќе поврзани статии
Load More In Актуелно
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…