Home Актуелно Ева Шуклева предложена за генерален, Љупчо Зиков за финансиски директор на МЕПСО

Ева Шуклева предложена за генерален, Љупчо Зиков за финансиски директор на МЕПСО

МЕПСО ќе добие ново раководство. Од Министерството за транспорт и врски ги предложија Ева Шуклева и Љупчо Зиков се предложени за генерален и финансиски директор на оваа институција, пренесува Телма.

Таа досега беше претседател на Надзорниот одбор на компанијата, каде беше избрана во август 2017 година година. Родена е во 1971 година, магистер електроинжинер, со долгогодишно искуство во енергетскиот сектор.

Основачот на неделникот Капитал и новинар Љупчо Зиков, пак, повторно е предложен од Владата за директор на финансии и комерција во државната МЕПСО. Тој за Телма изјави дека за ова е информиран и дека известил дека ја прифаќа поканата, но сепак треба да поминат законските процедури за да биде избран на оваа позиција, односно тоа треба да го потврди и Надзорниот одбор на компанијата, што ќе биде познато денеска или во текот на утрешниот ден.

Љупчо Зиков порано беше и претседател на партијата Алијанса за подобра Македонија, основана заедно со Минчо Јорданов и Владо Бучковски која на последните избори коалицираше со СДСМ.

За директор на ЕЛЕМ пак Владата неодамна го именуваше Васко Ковачевски, досегашен директор на РЕК Битола.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…