Кој ќе тепа на Ел Класико!? ↓↓↓
Претседателот на Турција, Реџеп Таип Ердоган, изјави дека турските разузнавачки сили во Сирија го убиле лидерот на терористичката организација Исламска држава (ИСИС), Абу Хусеин ал-Кураши.
Ердоган за телевизијата ТРТ изјави дека разузнавачката организација долго време го следела Кураши.
Сириски безбедносни извори рекоа дека рацијата се случила во градот Јандарис, кој е под контрола на бунтовничките групи поддржани од Турција и е еден од најтешко погодените од земјотресот на 6 февруари што ги погоди Турција и Сирија.
Сириската национална армија, опозициска група во областа, не ја коментираше веста за смртта на ал-Кураши.
Исламска држава го избра ал-Кураши за свој водач во ноември 2022 година, откако претходниот лидер на ИСИС беше убиен во операција во јужна Сирија.
Исламска држава презеде контрола врз големи делови од Ирак и Сирија во 2014 година, а нејзиниот лидер во тоа време, Абу Бакр ал-Багдади, прогласи исламски калифат на територијата на која живееја милиони луѓе.
