Дибала се расплака на неговиот последен натпревар за Јувентус

Паоло Дибала вчера го одигра својот последен натпревар во дресот на Јувентус во Торино. „Старата дама“ на свој терен ремизираше против Лацио (2:2).

Јувентус против Лацио имаше водство од 2:0, меѓутоа Лацио се врати, а голот за изедначување го постигна Сергеј Милинковиќ Савиќ во последните моменти од натпреварот. Паоло Дибала на теренот беше до 78. минута кога Алегри го замени, а тогаш Аргентинецот плачеше како ретко кога во животот. Во Јувентус Дибала пристигна од Палермо во 2015 година.