Џенова спреми нов договор за Пандев


Спасе Манев (Патувања низ Македонија): Ги откриваме скриените убавини на Македонија ↓↓↓


Македонскиот репрезентативец, Горан Пандев иако наскоро ќе наполни 35 години, се уште игра на високо ниво и е еден од најдобрите поединци во Џенова.

Италијанските медиуми пренесуваат дека Џенова спремила нов договор за Пандев, а тоа го потврди и генералниот директор на клубот, Џорџо Перинети.

„Фудбалер како Горан треба да се чува. Ќе остане во клубот се додека има желба“, изјави Перинети.

„Калчомеркато“ пренесува дека двете страни се блиску до договор и наскоро Пандев ќе стави потпис на новиот договор.

Во моментов Македонецот заработува 1,3 милиони по сезона, но се согласил за намалување на примањата за да остане во Џенова.