Денес стабилизација: Сончево со умерена облачност и слаб ветар

Вториот петок во 2019 година носи стабилизација на метеоролошките услови и сончево време со умерена облачност и со слаб до умерен северен ветер. Само во западните делови од земјата претпладне ќе има услови за слаб снег.

Утринската температура, според УХМР, ќе се движи од минус девет до минус два, а дневната од минус четири до три степени.

Во Скопје слично време, сончево со умерена облачност и со слаб до умерен северен ветер. Утринската температура ќе се спушти до минус седум, а дневната ќе достигне до еден степен.

Од утре попладне до недела времето ќе биде стабилно и суво со ниски утрински температури и со услови за магла по котлините. Во понеделник во текот на денот ќе има нови врнежи од снег со слаб до умерен интензитет.