Официјална Атина се очекува денес да испрати вербална нота до официјално Скопје, со која ќе го информира дека Грција го ратификувала Преспанскиот договор и протоколот за членство на Северна Македонија во НАТО.
Во петокот грчкиот парламент даде зелено светло за протоколот, а на 25 јануари го ратификуваше и Преспанскиот договор.
Следниот чекор е Северна Македонија да ги информира ООН, како и сите земји-членки, за влегувањето во сила на новото уставно име.
Од денес, Скопје, исто така, почна да ги менува имињата на улиците, објекти и документите кои го носат старото име на земјата.
