Дембеле се упропасти: Барса го пронајде виновникот (видео)

Фудбалерите на Барселона после победата од 3:0 на „Камп Ноу“ синоќа доживеаа дебакл на „Енфилд“ и загубија со 4:0.

После натпреварот се бараше виновникот за шокантната елиминација, а во Шпанија веднаш го посочија главниот виновник.

Имено, еден детал од првиот полуфинален меч многу влијаеше на конечниот исход и во голема мера го одлучи финалистот.

Во последните минути од мечот на „Камп Ноу“, Осман Дембеле имаше чиста шанса да зголеми на 4:0, но реагираше „аматерски“ и се посрамоти иако беше сам пред Алисон.

Каталонските медиуми денес покажаа „со прст“ кон Дембеле како главен виновник за елиминацијата.

https://youtu.be/jRrbOxZ9lcU