Новите фотографии од Дакота Џонсон и Машин Ган Кели дополнително ги подгреваат гласините дека меѓу нив има романса.
Актерката била забележана како пристигнува во музичко студио во Лос Анџелес во вторникот вечерта, на 27 октомври. Подоцна двајцата биле видени заедно, но со лицата свртени настрана од камерите.
Според досегашните информации, 37-годишната ѕвезда на „Верити“ и 36-годишниот музичар, чие вистинско име е Колсон Бејкер, се зближиле на свадбата на Тејлор Свифт и Тревис Келси.
Извор неодамна изјави за „Пипл“ дека двајцата ги поврзала заедничката смисла за „сув и црн хумор“ и дека „се засмејуваат еден со друг“.
„Навистина си се допаѓаат и се гледаат сè почесто. Засега не ја дефинирале својата врска, но со секое дружење стануваат сè поблиски“, додаде изворот.
Во едно неодамнешно интервју, актерката од „Педесет нијанси сиво“, која ретко зборува за својот љубовен живот, се осврна и на насловите што ја поврзуваат со разни „мистериозни мажи“.
Извор: Just Jared
Учество во игри на среќа е дозволено за лица со 18+ години. Играј одговорно!