Франсоа Арно неодамна стана амбасадор на модната куќа „Сен Лоран“, а пред две недели беше објавено дека нејзиниот креативен директор Ентони Вакарело заминува.
На настанот „WWD Honors“, одржан во вторникот, на 27 октомври, актерот му оддаде почит на дизајнерот носејќи негов широко кроен костум. Притоа зборуваше и за влијанието на Вакарело во модата.
„Ова е навистина префинето. Во творештвото на Ентони нема ништо приземно“, изјави Арно за WWD, коментирајќи ја својата облека.
„Како што знаете, последната колекција беше неговата лебедова песна во ‘Сен Лоран’, а јас мислам дека тој е вистински мајстор. Неговите десет години таму беа мајсторски спој на елеганција и рокенрол-дух, и токму тоа ми се допаѓа во неговите креации. Едноставно го облековме костумот и веднаш почувствував дека ми прилега“, додаде актерот.
Арно призна дека не знае што го инспирирало дизајнерот за овој костум, но тоа не го намалува неговото воодушевување.
„Всушност, не знам која била инспирацијата“, изјави тој за WWD. „Ќе мора да го прашате Ентони. Но, мене ми се допаѓа — беше љубов на прв поглед.“
Во меѓувреме, потврдено е дека Арно ќе се појави во втората сезона на „Heated Rivalry“. Го очекува и улога во претстојната филмска комедија „Old Friends New Friends“, за која сценариото и режијата се на познатиот комичар Мајк Бирбиглија.
Следната година актерот ќе дебитира на Бродвеј во нова постановка на драмата „Three Days of Rain“.
Извор: Just Jared
Учество во игри на среќа е дозволено за лица со 18+ години. Играј одговорно!