Челзи и Јунајтед спремаат спектакуларна трампа

Ова лето би можела да се случи голема размена на играчи помеѓу Челзи и Манчестер Јунајтед, пренесуваат медиумите на Островот.

Доколку биде реализирана оваа зделка ќе „тежи“ околу 80 милиони фунти и ќе ги вклучува Антони Марсијал и Вилијан.

„Сините“ од Лондон покажуваат сериозен интерес за францускиот напаѓач, кој се поретко добива шанса кај Мурињо и извесно е дека ќе го напушти „Олд Трафорд“. Марсијал одби да го продолжи договорот со „црвените ѓаволи“ и сака ова лето да ја промени средината.

Во исто време се поголема е желбата на Мурињо во својот тим да донесе уште еден фудбалер на Челзи – Вилијан, па „сините“ сакаат да ја искористат ситуацијата за размена на играчи.

Медиумите тврдат дека Јунајтед покрај Вилијан ќе бараат уште 40 милиони фунти за потписот на Марсијал, а Челзе е согласен со тие услови.