Десетина хулигани, по кои трага полицијата, синоќа со камења, шишиња и факли во стариот дел на Мостар нападнале група навивачи на фудбалскиот клуб Абердин од Шкотска. Тројца од шкотските навивачи добиле телесни повреди, потвриле од болницата во Мостар.
Инцидентот го потврдил и портпаролот на мостарската полиција, Људевит Мариќ, кој појаснил дека тројца државјани на Велика Британија побарале лекарска помош.
По нападот, хулиганите избегале од местото каде што се случил инцидентот.
„За нас, ова се хулигани по кои трагаме“, рекол Мариќ.
Навивачите на Абердин допатувале во Мостар за да го поддржат својот тим во реваншот од 2. коло во Лига Европа против Широки Бријег. Дуелот се игра вечерва од 20.45 часот. Првиот натпревар пред една недела во Шкотска заврши 1:1.
Учество во игри на среќа е дозволено за лица со 18+ години. Играј одговорно!