Најбрзиот човек на светот, Усеин Болт ќе започне да тренира со германскиот фудбалски гигант Борусија Дортмунд, потврди клубот од Бундес лигата.
„Борусија Дортмунд, бидете подготвени во петок“, порача Болт и додаде дека не се шегувал кога зборуваше за своите фудбалски аспирации.
Управата на Борусија Дортмунд исто така потврди дека 31-годишниот Болт утре ќе тренира со тимот и дека тренингот ќе биде отворен за јавност.
BVB, get ready for Friday. #BVBOLT #NewLevels @bvb09 @pumafootball pic.twitter.com/rO1jNPLtrA
— Usain St. Leo Bolt (@usainbolt) March 21, 2018
31-годишниот Јамајканец ја прекина својата кариера на крајот на минатата сезона по Светското првенство во Лондон. Тој многупати истакна дека сака да започне фудбалска кариера и не крие дека е голем фан на Манчестер Јунајтед.
