Актуелно

Болничарка ги криела симптомите од КОВИД-19 и заразила шест свои колешки на гинеколошко одделение во Прилеп

Болничарка во акушерско-гинеколошкото одделение во Прилеп ги криела симптомите од КОВИД-19 кои ги имала и продолжила со нив да оди на работа, па инфицирала уште шест свои колеги со кои што работела, други болничарки и медицински сестри.

По нејзина хоспитализација, извршено е тестирање и потврдено дека уште 6 други вработени се позитивни на корона вирусот.

„Точна е информацијата дека во овој оддел има заболени лица од ковид-19. Дополнително ќе информираме за другите мерки што ќе бидат преземени. Во последните 24 часа евидентирани се 7 новозаболени во градот, од нив 4 од гинеколошкиот оддел“, потврдуваат од Центарот за јавно здравје во Прилеп.
Бројот на новозаболени во Прилеп почнува да расте. Пред два дена се евидентирани 4 нови случаи, а во петокот двајца заболени.

Advertisements
To Top