Легендарниот италијански тренер и поранешен спортски директор на Реал Мадрид, Ариго Саки му даде предност на Јувентус во финалето од ЛШ.
Шампионите на Италија и Шпанија на 3-ти јуни во Кардиф ќе играат за најпосакуваниот трофеј во Европа, а Саки тврди дека тој ќе заврши во Торино.
„Според мене Јувентус е фаворит против Реал Мадрид. Двете екипи се одлични, но сметам дека Јуве е моментално подобар поради неверојатната мотивација“, изјави Ариго Саки кој го пофали тренерот на „старата дама“ Масимилиано Алегри.
