Фудбалерите на Барселона синоќа го совладаа нисколигашот Херкулес со високи 7:0 и така го осигураа настапот во следната фаза од Купот.
Тоа беше рутинска победа за каталонскиот гигант, кој на терен излезе со комбиниран тим. Водечкиот гол го постигна Лукас Дигне, па откако почна да слави со своите соиграчи, на сцена стапи капитенот Маскерано.
Имено, Аргентинецот го натера Французинот да престане со славјето и да се врати во одбраната за натпреварот да може да продолжи. Младиот бек можеше само да ја спушти главата и да се врати на своето „работно место“.
