Младиот француски репрезентативец Лукас Ернандез го продолжи договорот со Атлетико Мадрид до јуни 2022 година.
Ернандез, 21 годишен стопер кој за француската репрезентација до 21 година игра на позицијата лев бек, потпиша нов договор ден пред првиот меч од полуфиналето на Лигата на шампионите во кој се среќаваат со Реал Мадрид.
„Среќен сум што го обновив договорот со клубот на својот живот“, рече Ернандез кој во првиот тим стигна од подмладокот.
