На посебна церемонија во американскиот Стејт департмент, новата амбасадорка на САД во Македонија, Анџела Агелер, ја положи официјалната дипломатска заклетва, соопшти на Твитер профилот Американската амбасада во Скопје.
Агелер е дипломатка од кариера на Високата служба за надворешни работи, а до неодамна беше заменик-шеф на мисијата на САД во Пакистан каде што служеше и како привремена в.д. амбасадорка.
In a ceremony at the U.S. @StateDept, Angela Aggeler was sworn in as the new U.S. Ambassador to the Republic of North Macedonia.
pic.twitter.com/hyQSQAOG7A
— U.S. Embassy North Macedonia (@USEmbassySkopje) September 27, 2022
Во нејзината кариера претходно работела како советник за односи со јавноста во амбасадата на САД во Париз, а работела и во Њу Делхи, Ханој и Вашингтон.
Во својата богата диломатска кариера Агелер работела и во Скопје, како дел од тимот за односи со јавност во американската амбасада. Таа зборува и македонски јазик, а знае и француски и малку хинди.
Таа во земјава доаѓа на местото на досегашната амбасадорка Кејт Мери Брнз.
