Добриот изглед на шминката не мора да бара долго стоење пред огледало. Кога сакате да го изедначите тенот и да ги прикриете црвенилото или ситните неправилности, пудрата во стик може да ви ја олесни рутината. Се нанесува директно на лицето, а потоа се размачкува со прсти, четка или сунѓерче, зависно од ефектот што сакате да го постигнете. Компактното пакување лесно се сместува во несесер, па е погодно и за поправање на шминката во текот на денот.
Што нуди пудрата во стик?
Практичното пакување не е нејзината единствена предност. Зависно од формулата, пудрата во стик може да обезбеди лесно до целосно покривање, со природен сјај или мат изглед. Покремастите текстури полесно се соединуваат со кожата, додека поцврстите овозможуваат попрецизно нанесување на одредени делови од лицето.
Не мора да ја нанесувате на целото лице. Може да ја користите само за прикривање неправилности, за изедначување на тенот околу носот или за дополнително покривање таму каде што е потребно. При изборот, обрнете внимание на текстурата, завршниот изглед и степенот на покривање што ви одговара.
MAC Studio Radiance
Пудрата во стик MAC Studio Radiance има лесна формула што овозможува нанесување во повеќе слоеви за посилно покривање. Остава природен изглед, налик на втора кожа, без чувство на тежина. Во составот има 73 отсто состојки за нега на кожата, меѓу кои екстракти од семки од дајкон и од акаи-бобинки, кои придонесуваат за хидратација и мекост.
Fenty Beauty Eaze Drop Blur + Smooth
Тонираниот стик Fenty Beauty Eaze Drop Blur + Smooth обезбедува лесно покривање и природен изглед. Кремастата текстура лесно се размачкува и се соединува со тенот, а технологијата QuickBlur помага кожата да изгледа помазна и поизедначена. Формулата содржи путер од мурумуру и хијалуронска киселина за хидратација, додека пигментите се осмислени да помогнат нијансата да остане постојана. Наменет е за прикривање ситни неправилности, со задржување на природниот изглед на кожата.
Dior Forever Skin Perfect
Dior Forever Skin Perfect нуди посилно покривање со лесно чувство на кожата. Оваа повеќенаменска пудра во стик има кремаста текстура што при нанесувањето добива пудрест завршеток. Може да се нанесува во повеќе слоеви, за изедначување на тенот, прикривање неправилности или прецизно покривање на одделни делови од лицето. Формулата дава природен и измазнет изглед, обезбедува хидратација до 24 часа и е отпорна на вода, топлина и влага.
Извор: Lepota i Zdravlje
Учество во игри на среќа е дозволено за лица со 18+ години. Играј одговорно!