Сребрени врвови: Најелегантната зимска варијанта на француски маникир

Дали сакате поупадлив маникир за празничната сезона, но без новогодишни и божиќни мотиви?

Токму го најдовте она што го баравте, и тоа се нарекува „silver tip“ или маникир со сребрен врв.

Ако мислевте дека сребрената боја е резервирана само за вашата колекција накит или за новогодишните фустани и чанти, имаме вест за вас: и вашите нокти можат подеднакво лесно да ја прифатат.

Маникир со сребрен врв може да изгледа смело или суптилно, зависно од тоа како ви одговара, и претставува варијанта на класичниот француски маникир, со таа разлика што наместо бела, линијата е сребрена. Најубаво од сè е што овој маникир не бара посебни вештини или труд.

Завршен слој и лак со металик завршница се сè што ви е потребно за да го направите сами дома, а ако сакате да пробате неговa поефектна варијанта, едноставно зачувајте некоја од идеите од нашата галерија.