Бордо велур – елегантни штикли што ќе го комплетираат вашиот божиќен и новогодишен изглед

Бордо слегбек чевли на потпетица – тие гламурозни, нежно сомотски и заводливо префинети – се парчето кое оваа сезона ќе ја издигне секоја ваша празнична комбинација на вистинско „вау“ ниво.

Одбројувањето до најубавиот период од годината веќе започна, а сите модни ентузијастки интензивно го составуваме својот парти гардеробер: од свилени слип фустани, преку елегантни смокинг костуми, до впечатливи модели на комбинезони кои секогаш оставаат впечаток. Но, колку и да е забележителна облеката, совршените чевли секогаш одат на крај – последната, но исклучително важна точка на стилот.

Зошто токму сомот?

Лакот, сатенот и секако – сомотот – доминираат кај празничните чевли и сандали. А сомотот, кој веќе неколку сезони не се симнува од листата на најпосакувани зимски материјали, во 2025 целосно го презема водството. Богат, тактилен и визуелно раскошен, тој додава доза на луксуз во секоја комбинација, оставајќи впечаток дека токму излеговте од некоја винтиџ холивудска сцена.

Затоа издвоивме еден модел кој веќе се смета за задолжителен овој зимски период.

Зара слегбек бордо чевли на потпетица – дефиниција на празничен гламур

Станува збор за исклучително елегантен пар слегбек салонки од Зара, изработени од сомот во темнобордо нијанса со безвременски карактер. Нивниот остар врв дава софистициран, издолжен изглед на стапалото, додека потпетицата во стилето форма од 9 см нежно ја обликува силуетата, правејќи секој чекор женствен и самоуверен.

Овие чевли се совршени за:

– целосно црни комбинации – мини фустан, слип фустан, панталони или здолниште

– парчиња во металик тонови

– комбинации со сомотски чанти или накит во топли нијанси

Инвестиција и надвор од сезоната

Минималистичкиот дизајн ги прави овие чевли вредни за вложување, бидејќи нема да ги носите само за празниците. Напротив, овие салонки лесно преминуваат од декемвриски забави во јануарски вечери, коктели, родендени и дури и за поопуштени дневни комбинации.

Дури и со најкласични фармерки, овие бордо сомотски бисери нудат доволно стил за да го претворат вашиот изглед во вистински моден трофеј.