Инстаграм тестира нова можност што веројатно ќе ги израдува авторите на подкасти и креаторите кои објавуваат подолги видеосодржини.
Од денес, 26 октомври, избрани креатори ќе можат пробно да објавуваат хоризонтални видеа во траење до 90 минути. Новата опција го носи името „Features“.
Од Инстаграм објаснија како ќе функционира поврзувањето на кратките исечоци со целосните видеа.
„Кога ќе видите исечок од подкаст што ви се допаѓа, ќе можете со еден клик да продолжите со гледање или да го погледнете целото видео. Креаторите ќе можат да ги поврзат овие Reels со своето целосно видео, па ќе имате пристап до целата содржина“, изјави Теса Лајонс, потпретседателка за производи во Инстаграм, пренесува „Холивуд репортер“.
Се очекува оваа можност да ја користат автори на подкасти, комичари и други познати личности кои создаваат подолги содржини.
За корисниците во Бразил опцијата можеби веќе е позната, бидејќи таму се тестирала и претходно.
Извор: Just Jared
Учество во игри на среќа е дозволено за лица со 18+ години. Играј одговорно!