Есенска свадба во изобилие од разиграни бои

Есента пристигна, а полека се приближува и денот на вашата свадба.

Ако сте ја избрале есента за тој свечен чин, сте донеле вистинска одлука. Ова годишно време е полно со прекрасни бои и мириси кои можат да бидат совршена инспирација за најважниот ден во вашиот живот. Инспирирани од волшебната есенска палета, ви претставуваме идеи за украси на гостинските маси, младинската маса, бидермајерот и сите други елементи кои го прават вашето свадбено прославување целосно.

Каква е всушност есента? Кога ќе погледнеме подетално, тоа е период богат со највпечатливи бои и нивните нијанси. Црвените и жолтите тонови создаваат интересна палета пред која никој не останува рамнодушен. Разнобојното опаѓано лисје, свеќи, тикви и цветни аранжмани ќе внесат автентична есенска атмосфера на вашата прослава. Наш предлог е да го украсите центарот на масите со богати есенски цвеќиња кои ова време ги изобилува.

Дали ќе одберете интензивни бои или неутрална палета, зависи од вашето расположение и темата што сакате да ја следи вашата свадба. Сушените елементи на најубав начин ја претставуваат есента како преоден период, па не заборавајте во декорацијата да вклучите суви гранчиња и полско цвеќе исушено од ветерот.

Есента е уникатна бидејќи ниедно друго годишно време нема толку впечатливи облици, бои и тонови. Истовремено, разиграните аранжмани исполнети со романтика ќе ја кренат атмосферата на вашата свадба на највисоко ниво. Покрај тоа, есента е богата со пастелни нијанси, овозможувајќи ви да го обоите вашиот специјален ден во незаборавни тонови. Доколку се одлучивте за бела венчаница, бидермајерот во пастелни бои е совршен избор за вашата есенска свадба со врвен стил.

Ако планирате интимна свадба во кругот на најблиските роднини и пријатели, со помош на есенски детали можете да создадете прекрасен олтар кој ќе го остави впечатокот што ќе се памети. Дрвените елементи и снопчињата од пченица се исто така пожелни при есенската свадбена декорација.

Погледнете ја нашата галерија и запознајте се со тоа што есента може да ви понуди кога се во прашање венчавките.