ТАЈНАТА НА ВИСТИНСКИТЕ ГЕНИЈАЛЦИ? НЕ СЕ РАБОТИ ЗА IQ, ДИПЛОМА ИЛИ БРЗИНА НА РАЗМИСЛУВАЊЕ!

Многу луѓе веруваат дека интелигенцијата се мери со брзината на размислување, бројот на дипломи или способноста некој секогаш да излезе како победник во расправа.

Но, вистинската интелигенција, според стручњаците, се крие во една длабоко човечка вештина – активно слушање.

Психотерапевтите објаснуваат дека вистинските генијалци не се оние кои постојано зборуваат или се стремат да доминираат со муабетот, туку токму оние кои знаат искрено да слушаат. Активното слушање значи целосна присутност во разговорот, следење на соговорникот, разбирање на неговите мисли и чувства, наместо само реагирање на последната реченица. Оваа вештина не е пасивна – бара трпеливост, емпатија и искрено интересирање.

Луѓето кои навистина слушаат не брзаат да дадат своја реплика и не размислуваат однапред како ќе одговорат. Нивниот фокус е насочен кон целосно разбирање на другата страна. Аманда О’Брајан, психолог и ментален тренер, додава дека активното слушање може да се вежба преку едноставни, но моќни навики: контакт со очи, избегнување нервозни движења, оставање простор соговорникот да ја заврши мислата пред да прозборите и, можеби најпредизвикувачко, фокусирање на она што навистина го слушате, а не на тоа што планирате да кажете.

Интересно е дека истражување на Универзитетот на Јужна Калифорнија покажало дека 7 од 10 луѓе на работното место слабо слушаат, што доведува до недоразбирања, конфликти и пропуштени можности. Наспроти тоа, оние кои искрено слушаат градат доверба, создаваат подлабоки односи и покажуваат врвна емоционална интелигенција – сржта на вистинската умност.

Во свет каде сите зборуваат, а малкумина слушаат, способноста да разбереш пред да одговориш, да ислушаш пред да пресудиш, не е само социјална вештина – туку правило на животна мудрост.