Кога мислите талкаат: Што откриваат фантазиите за други луѓе за вашата врска?

Кога мислите талкаат: што ни откриваат фантазиите за други луѓе за нашата врска?

Дали некогаш ви се случува мислите да ви одлетаат кон некој друг додека сте во врска? Не грижете се – тоа е сосема нормално.

Сепак, ново истражување покажува дека ваквите сексуални фантазии можат да откријат многу за вашата врска и начинот на кој го доживувате својот партнер. Студијата, објавена во научното списание Sexual and Relationship Therapy, анализирала како фантазиите за поранешни партнери или непознати лица можат да влијаат – позитивно или негативно – врз една врска.

Во истражувањето учествувале 1.109 возрасни лица, на возраст од 21 до 68 години, сите во стабилни романтични врски. Учесниците пополнувале онлајн прашалници за тоа колку се сексуално задоволни, како го перципираат својот партнер и колку често размислуваат за други луѓе. Научниците ја оценувале „перцепцијата на партнерот“ преку шест карактеристики – дали го сметаат за привлечен, романтичен или вешт во кревет.

Резултатите покажале интересен парадокс: оние кои биле сексуално многу задоволни, но истовремено фантазирале за идеализирани личности, често имале намалена почит и привлечност кон својот партнер. Со други зборови, фантазиите можеле да го разубават претставувањето на „совршената“ алтернатива, правејќи го реалниот партнер помалку привлечен.

Од друга страна, кај испитаниците кои изразиле пониско сексуално задоволство, фантазиите имале корисна улога. Кај нив тие функционирале како еден вид „заштитен механизам“, кој им помагал да задржат попозитивна слика за партнерот и да ги компензираат неисполнетите потреби во врската.

Заклучокот е јасен: фантазиите сами по себе не се добри или лоши. Нивното влијание зависи од нивниот контекст, сексуалното задоволство и емоциите што ги предизвикуваат. Поважно од тоа кој е предмет на фантазијата, е што таа фантазија ви пружа – чувство на желба, внимание или исполнетост.

Стручњаците сметаат дека овие сознанија можат да послужат во терапевтската работа со парови. Отворени разговори за фантазиите – фокусирани на емоциите што тие ги предизвикуваат, а не на тоа „кој“ е во нив – можат да бидат моќен начин за продлабочување на меѓусебното разбирање и подобрување на комуникацијата.

Значи, фантазиите за други луѓе не мора да бидат закана за врската. Сè зависи од тоа како ги толкуваме и дали сме задоволни од сексуалниот аспект на односот – тие можат да бидат мал предизвик, но и силен инструмент за одржување на интимноста.