Остварен сон: Катарина Живковиќ покрај станот во Земун, горда сопственичка на вила на луксузна локација

Катарина Живковиќ неодамна стана сопственичка на куќа во Грција, а самиот процес на купување траел околу две години. Како што вели пејачката, сè започнало за време на летниот одмор пред две години, кога првпат ја забележала куќата и веднаш се вљубила во неа. Изминатите две години ги вложила во остварување на својот сон – да стане сопственичка на дом крај море.

„Две години преговарав за таа вила во Грција. Се наоѓа во местото каде летував ова лето, и уште тогаш знаев дека тоа ќе биде моето место за мир. Конечно, таа куќа ќе биде моја. Тоа е сон што го остварив,“ изјави Катарина, додавајќи дека реализацијата на куповината не била нималку лесна.

„Процесот на купување се одолжи, пред сè поради цената и документите. Имаше доста неизвесност, но бев упорна, затоа што верував во тоа. На крај успеавме да се договориме и сега со гордост можам да кажам дека имам свој дом во Грција. Не е преголем трошок ако можеш да го приуштиш, тогаш не е скапо. Но, се борев да ја намалам цената,“ откри пејачката за Ало.

Сега, Катарина планира летните месеци да ги минува токму таму, заедно со својот син Стефан и партнерот кого вешто го крие од очите на јавноста, уживајќи во својот нов дом со поглед кон морето.