Радикален потег на Маја Огњеновиќ: Кoја тајна се крие зад последната фотографија со Данило

Маја Огњеновиќ и Данило Дача Икодиновиќ се разведоа по девет години брак. По речиси една деценија заеднички живот, двајцата донеле одлука да стават крај на својот брак.

Според информациите на „Телеграф“, парот неодамна донел одлука за мирен раскин.

Извори наведуваат дека во последната година се појавувале сè почести недоразбирања меѓу Данило и Маја. Иако претходно успевале да ги надминат конфликтите, летово одлучиле да ја завршат нивната повеќе од децениска љубовна приказна, стои во извештајот.

Се шпекулира дека Маја веќе заминала за Италија поради спортски обврски, додека Данило останал во Србија. Од летово веќе не живеат на иста адреса, а одбојкарката ги избришала речиси сите заеднички фотографии од нејзиниот Инстаграм профил, оставајќи само една од 2018 година на која изгледаат среќно.

Крај на репрезентативната кариера

По Олимписките игри во Париз, каде што Србија беше елиминирана во четвртфиналето од Италија, 40-годишната Маја стави крај и на својата репрезентативна кариера. На Игрите, таа ја носеше знамето на Србија на отворањето.

Пред почетокот на новата клупска сезона во италијанскиот Скандиќо, Маја потврди дека е подготвена за спортска пензија:

„Размислував повеќепати да ја завршам кариерата. Секогаш кога беше олимписка година. Овојпат сум дефинитивно сигурна дека претстојната сезона ќе биде и последна. Се чувствувам дека е време за други работи, иако одбојката ми беше прекрасна. Си поставив цел во наредните месеци да се подготвам за проектите со кои ќе се занимавам по завршувањето на кариерата,“ изјави таа во емисијата „360 степени“ на телевизијата N1.