Јована и Жељко Јоксимовиќ целото лето го поминаа во Грција, каде што, според пишувањата на медиумите, во Атина купиле луксузен стан. Сепак, како што открива Скендал! ексклузивно, двојката не застанала тука – Жељко привршува со уредувањето на музичко студио во Глифада.
– Јоксимовиќ неодамна ги заврши сите работи кои требаше да ги направи. Тие поминуваат многу време во Атина напролет, но честопати и преку целата година. Кога ќе започне учебната година, ќе поминуваат помалку време таму, но затоа ќе го користат пролетниот, зимскиот и долгиот летен распуст. Тие таму купија голем стан во близина на Весна Змијанац, а во последниве месеци земаа и јахта на која го поминаа целото лето – изјавил изворот за споменатиот таблоид и додал:
– Тие ја обожаваат Грција, климата им одговара совршено. Жељко го користи слободното време за творчество. Сигурно таму ќе му биде многу полесно отколку во Белград.
Нивниот дом во Белград, Јоксимовиќови го уредија во импозантна вила на Дедиње, која своевремено ја купија од семејството Кариќ. Сепак, според зборовите на изворот, сега ќе живеат на две локации – Белград и Атина, кога тоа ќе им го дозволат обврските.
Белград и понатаму им е основа, пред сè поради децата кои овде одат на училиште, но и поради работата на телевизија и белградското студио на популарниот музичар.
Учество во игри на среќа е дозволено за лица со 18+ години. Играј одговорно!