Пен не ги стопи своите освоени Оскари, ама замина за Украина

Познатиот холивудски актер, режисер, продуцент и хуманитарен активист Шон Пен се врати во Украина. Актерот се врати во Украина откако тврдеше дека јавно ќе ги стопи своите статуетки Оскар доколку Академијата не му понуди на Зеленски да се обрати на церемонијата, а тој му одговори и на тимот на Твитер.

„Денес бев во Лавов, Украина со тимот CORE, работејќи стратегија со локалната власт и невладините организации за зголемување на нашите програми во земјата. Добар состанок со гувернерот Максим Козицки“, напиша тој на Твитер. Ова е втора посета на актерот во Украина од почетокот на руската инвазија.

I was in Lviv, Ukraine today with CORE team, strategizing with local governance & NGO’s to scale up our in-country programs. Good meeting with Gov. Maksym Kozytskyy. To learn more go to https://t.co/snKeUz99Fm or text “CORE” to 24365 to donate. pic.twitter.com/ASHavYHlvy

— Sean Penn (@SeanPenn) March 28, 2022

Многумина во коментарите го прашуваат кога ќе си ги уништи Оскарите затоа што тоа го вети на CNN вечерта пред доделувањето.

„Ако Академијата одлучи да не го поддржи раководството во Украина и луѓето кои добиваат куршуми и бомби за нас, заедно со украинските деца што се обидуваат да ги заштитат, тогаш мислам дека сите овие луѓе и секој дел од таа одлука ќе бидат најбезобразниот момент во историјата на Холивуд“, истакна Пен.